 |
|||
|
|
|
||
|
|
|||
| Today's Cover page |
|
|
| TODAYS WEATHER |
|
|
|
|
|
|||||||||||||||||||||||||||||||||||||||||
|
|
|||||||||||||||||||||||||||||||||||||||||
|
|||||||||||||||||||||||||||||||||||||||||
|
|
|||||||||||||||||||||||||||||||||||||||||
|
|||||||||||||||||||||||||||||||||||||||||
|
|
|||||||||||||||||||||||||||||||||||||||||
|
|||||||||||||||||||||||||||||||||||||||||
| VP Michel i lans en nouvo mouvman lazenes | |||||
|
|
|||||
|
Vis-Prezidan James Michel in ofisyelman lans en nouvo mouvman lazenes ki annan pour bi prensipal ed bann zenn vin bann sitwayen egzanpler avek bann bon valer moral, disiplin e lanmour pour zot pei.
|
|||||
|
|
Seremoni pour lans progranm Young Citizens (Zenn Sitwayen), en mouvman ki regroup 1,500 zenn, ti deroul Vandredi 12 Mars kot Palais des Sports, Roche Caiman dan prezans Madanm Sarah Rene, bann minis dan gouvernman, manm Lasanble Nasyonal e en santenn bann zenn etidyan ki manm sa mouvman.Sa progranm limenm ti komans koman en proze pilot an 2003 e | ||||
|
Vis-Prezidan Michel pe adres lafoul Vandredi |
ganny entrodwir dan senk lekol enkli Beau Vallon, Plaisance e La Digue Primer e Anse | ||||
|
Boileau e Grand Anse Praslin Segonder kot i ti regroup 500 zenn. Enn an plitar mouvman Young Citizens in ganny entrodwir dan ankor sis lekol. Se bann ansennyan diferan lekol zot menm ki'n pran sa responsabilite pour lo en baz volonter ankadre bann zenn dan sa mouvman.
|
|||||
|
|
Seremoni lansman ofisyel sa mouvman Vandredi ti marke par diskour Vis-Prezidan Michel e enn par direktris sa progranm, Madanm Marylin Joseph, lansman logo, moto, serman bann manm sa mouvman e bann sanson patriotik par santer Jean-Marc Volcy, Michel Marengo e bann zenn zot menm.Logo Young Citizens ki ti ganny devwale i demontre en plak lanmen, ki reprezant Seychelles, e son bann ledwa, ki reprezant son bann zenn sitwayen. Moto sa mouvman se "Nou Pei, Nou Patri. Touzour." | ||||
|
Logo mouvman Young Citizens |
Dans son diskour VP Michel ti dir ki | ||||
|
gouvernman in toultan fer li son
devwar pour ki tou zanfan i annan sans ganny en bon ledikasyon.
Sa ledikasyon, i ti dir, i devret kontribye pour prodwir bann bon kalite dan nou zanfan pour zot vin bann bon sitwayen ki annan bann bon savwar-viv, savwar-fer e annan konnesans lo zot lavi, kominote, lo zot pei e lemonn ki zot pe viv ladan. "Seychelles i bezwen bann sitwayen patriotik ki annan en gran santiman pour sa ki zot pei i reprezante pour zot. Nou bezwen bann bon sitwayen ki annan en lanmour profon pour Seychelles, akoz Seychelles i berso nou lavi, i nou patri," VP Michel ti dir. I ti osi averti ki malgre zefor par fanmiy e plizyer lezot group pour donn bon konsey bann zenn, i annan serten ki pe ganny antrennen dan en move semen e pe al tonm dan bann move aksyon. VP Michel ti dir ki ozordi i annan plis lespwar dan lavenir akoz minister konsernen pe fer tou pour ki nou bann zenn pa tonm dan move semen. Pour ki bann zenn i kapab devlop bann bon karakter, i ti dir, fodre lafanmiy i etabli sa bon fondasyon kot apre bann ansennyan i kapab kontinyen batir lo la. I ti eksprim swe ki atraver sa mouvman bann zenn ava vin pli disiplinen e vin bann bon model. Madanm Joseph lo son kote ti lans en lapel avek bann zenn sa mouvman pour vin sa sours sipor e ede dan demars pour enkilke disiplin dan bann zenn kot lekol, dan lakour e pour mentenir sa bon tradisyon lavi kominoter. Malgre ki i en progranm o nivo skoler, i ti dir, enn bann lobzektif Young Citizens se pour promouvwar devlopman entegral bann zenn dan bann aktivite ekstra-skoler e pour kontribye dan kreasyon solid bann bon karakter e fason viv dan bann zenn ki ava ede ranforsi nou bann koutim e valer kiltirel. Bann zenn sa mouvman i zwenn enn fwa par semenn apre lekol kot zot partisip dan bann diskisyon, kozri lo bann bon fason viv, vwar lenplimantasyon kod kondwit e esey trouv fason kot zot kapab amelyor zot konportman an zeneral. Zot ekspekte apre al partaz sa konnesans avek lezot zenn dan zot kominote e menm vin bann model pour lezot atraver zot aksyon. Sa progranm i ekspekte ganny entrodwir dan tou lekol dan pei. |
|||||
 |
|||||
|
LINKS |
|||||
|
|||||
