Nouvo Prezidan James Michel

'Mon pou konsolid nou bann aki'

Dan son diskour apre ki Prezidan France Albert Rene ki'n diriz pei pandan sa

Nouvo Prezidan James Michel apre son sermantasyon Merkredi

dernyen 27an ti remet pouwvar avek li dan zarden State House Merkredi, Msye Michel ti dir ki i pou annan son prop stil gouvernman.

Sa, Prezidan Michel ti dir, pou baze lo dyalog ek konsiltasyon dan en fason ki lepep an antye a ganny sans kontribye pour ed pei rezourd son bann problenm.

Sepandan, sa nouvo stil diriz pei ek serten sanzman ki ekspekte fer, pa pou tous baz fondamantal lo ki filozofi gouvernman in konstrir. Sa se keksoz parey donn sans egal sak sitwayen devlope, kreasyon ek partaz larises pei.

Lo sa bann laspe parey pou annan kontinyite akoz se zot ki'n kontribye pour ede anmenn stil ek standar lavi kot zot ete ozordi.

"Mon promet zot ki mon pou prezerv nou laspe sosyo-ekonomik. Mon pou konsolid nou bann aki," i ti dir ek pep Seselwa.

I ti dir ki i pou fer tou son posib diriz pei dan en nouvo faz devlopman ki pou garanti plis progre.

"Mon pou kontinyen defann bann prensip sakre lazistis sosyal, loportinite egal pour tou sitwayen," Prezidan Michel ti eksplike.

"Mon pou kontinyen prezerv drwa nou vye paran. Mon pou kontinyen kree kondisyon pour lepanouisman nou zenes, e mon pou fer mon posib pour ki tou Seselwa i ganny zot lavi e progrese atraver en travay prodiktif,"  Prezidan Michel ti dir.

LINKS