En lanket in ouver pour determin lakoz lanmor sa zonm, Bernard Alphonse, ki ti ganny trouve dan leo Les Canelles Dimans apremidi (28 Desanm), dan en landrwa apele 'Dan Payanke'.

Lekor Msye Alphonse, aze 40 an, ti ganny ranmase apre ki i ti'n absante kot son lakour depi le 25 Desanm.

Manm son fanmir ti komans fer demars pour rode kote i kapab ete e sete Dimans apremidi ver 1er  ki enn ant zot ti dekouver son lekor.

Dapre lapolis, lekor Msye Alphonse in dan sa landwra pour plis ki en zour akoz i ti'n deza komans dekonpoze e i ti pe anvoy loder.

Lapolis in osi dir ki ti napa okenn blesir lo son lekor e ki en letopsi pou ganny fer pour determin vre lakoz lanmor Msye Alphonse.

Anvi ki sa landrwa kot lekor Msye Alphonse in ganny trouve i ase bwaze e lwen avek semen, i petet rezon akoz in pran sa kantite zour pour vwar son lekor.

LINKS