En kiltir lape dan Seychelles ek terorizm dan lemonn ti de topik prensipal ki ti ganny diskite pandan dezyenm rankont Lasanble Lazenes ki ti fer resaman.

Premye mosyon prezante par zenn onorab Dereck Samson ti rekonmande ki sa lasanble i diskit fortman lo size kiltir lape dan Seychelles e osi dan lemonn antye. Sa mosyon ti osi eksplor sa ki pe ganny fer dan sa domenn e merit kontinyen ganny fer.   

Onarab Andy Julie ti prezant dezyenm mosyon ki site ki lezot zenn onorab i raport en kontribisyon lo topik terorizm dan lemonn, son devlopman, e dan ki fason ki nou kapab defann nou teritwar an ka ki i frap nou pei. 

Apre ki bann mosyon ti ganny met devan lasanble, lasal ti ouver pour deba e plizyer zenn ti met zot rekonmandasyon vizavi sa de size.               

Parmi bann rekonmandasyon i ki plis i ganny fer par Minister Ledikasyon ek Lazenes pour enkilke dan lazenes bann bon valer moral, ki swa atraver bann progranm kiltirel ou regroupman tel ki 'positive thinking' avek bi elimin bann fleo ki pe destabiliz lape dan nou pei.

Zot in osi sizere ki souvann fwa kwrayans politik e spirityel i kre bann baryer e divizyon dan pei alor en pwen spesyal ki ti ganny mete i ki sak zenn i pran son responsabilite pour kiltiv lape dan limenm kot sa a ede pour promot lape dan son lantouraz.  

LINKS