De mosyon ti ganny aprouve dan sesyon lasanble mardi le 25 novanm.

Premye mosyon ti prezante par Jeovana Charles, manm elekte pour distrik Roche Caïman.

I ti demann gouvernman pou reviz tou bann servis e striktir an plas ki pe travay pour eliminasyon vyolans dan fanmiy.

Sa mosyon ti ganny segonde par onorab Isabelle Joubert dan parti mazoriter SPPF. I ti fer resorti ki vyolans domestik pe vin en fleo dan lasosyete.

Plizyer manm lasanble ti osi fer zot entervansyon anfaver sa mosyon ki ti apre ganny aprouve alinanimite.

Lasanble ti osi aprouve pour ratifye "The Convention on the Taking of Evidence Abroad in Civil and Commercial Matters done at the Hague on the 18th March 1970. " 

Sa mosyon ti ganny prezante par Onorab Patrick Herminie.

En trwazyenm mosyon, prezante par lider lopozisyon, Wavel Ramkalawan, ti ganny rezete par lasanble.

Onorab Ramkalawan ti pe demande ki lamannman neseser i ganny fer dan lalwa pou fer li obligatwar pour propriyeter en transpor raport avek son lasirans en aksidan fatal ki enplik son transpor.

LINKS