Deryer laport, pa dan larmwar

Lapolis in fer en koreksyon swivan en entervi Mardi swar (Me 18),  lo televizyon e ki ti ganny raporte atraver en lartik ki ti aparet son lannmen dan zournal Nasyon anba tit "Lapolis i raport en seri latak arme".

Dan sa entervi e sa lartik lapolis ti dir ki sa zonm maske dan lakaz Mare Anglaise ti ganny trouve dan larmwar. Lapolis in rektifye ki sa zonm ti annefe ganny trouve avek en dager pe kasyet deryer laport lasanm-ben.

Lapolis in prezant son leskiz avek victim sa lensidan.

Antretan lapolis in osi demanti spekilasyon ki ti pe sirkile konmkwa en pti baba in mor apre ki i ti'n ganny abize seksyelman. Lapolis in dir ki rezilta letopsi ki'n fer lo sa pti baba i montre ki in mor avek lemoni. Sa ka "sudden death" ti ganny raporte avek lapolis Merkredi ver 3er apremidi e letopsi ti fer Zedi. Sa pti baba ti en pti fiy 3 mwan.

LINKS