Sa group etidyan ek zot animater zis avan zot ti kit Mahe abor bato pour Praslin Lendi bomaten

En group 86 etidyan sorti dan diferan lekol segonder lo Mahe pe partisip dan en kan vakans Praslin.

Sa group zenn, aze ant 13 a 16 an, ti kit Mahe Lendi le 26 Avril, akonpannyen par 18 animater e zot pou reste kot lekol primer Grand Anse.

Pandan sa en semenn kanpe, ki’n organize par Seychelles Youth Animateurs’ Association (SYAA), bann zenn pou kapab partisip dan en seri aktivite, tel ki proze resiklaz, atelye sportif ek kiltirel.

Zot pou osi ganny sans vizit Vallée de Mai, Airport Amitié ek Praslin Ocean Farm.

Bann etidyan Pralinwa pou osi zwenn ek sa group dan sa bann aktivite.

Apard Praslin, zot pou osi al lo zil Curieuse kot an kolaborasyon avek minister lanvironnman bann partisipan pou plant pye dibwa.

Bann etidyan pou retourn Mahe Vandredi le 30 Avril.

Antretan SYAA in anonse ki, pour selebre 10 an son legzistans an Oktob, i pou organiz en port-ouver avek bi montre bann diferan travay ek proze ki sa lasosiasyon in fer pandan sa bann lannen.

LINKS