Lapolis in raporte ki rapor medikal Madanm Therese Blanc Payet, ki ti ganny ranmase dan lanmer Grand Anse Mahe Mardi le 2 Septanm, i montre ki sa madanm ti mor noye.

Ler Madanm Payet ti ganny ranmase i ti napa lenz lo li e vandredi le 5 septanm,  lapolis in devwale ki zot in retrouv en morso lenz ek lakle son loto dan menm rezyon kot son lekor ti ganny dekouver.

Lapolis in osi fer resorti ki, swivan sa rapor medikal, en lanket pli aprofondi pe ganny pourswiv dan sa lensidan pour esey etablir sirkonstans son noye e lezot blesir trouve lo son lekor.

Sete Msye Payet ki ti dekouver lekor son madanm apre ki i ti'n kit son lakour gran maten Mardi e i pa ti'n retournen ziska ver midi menm zour.

LINKS