En group zenn pe diskite ki mannyer zot kapab portre zot lavi parey Zezi

Zenn katolik sorti dan diferan distrik ti ralye dan en gran rasanbleman Dimans le 14 Desanm, pour zot diskit lo ki mannyer zot kapab portre zot lavi parey Zezi e donn bann bon legzanp e valer pozitiv tel ki lanmour, pardon ek lapartaz.

Sa rankont, ki ti deroul anba tenm ìNou anvi vwar Zeziî, ti pran plas dan laplenn kot legliz St Michel, Anse Aux Pins kot sa bann zenn ti fer bann diskisyon an group.

Malgre lapli lazournen ti kontinyen ek en lanmes selebre par Monsenyer Denis Wiehe ek lezot prÍt dan legliz laparwas.

En lafoul zenn osi byen ki parwasyen ti'n ralye o non Zezi-Kri pour priye e aprofondir zot lafwa.

Animasyon par diferan group ti form parti sa seri aktivite relizyez.

Ti osi annan prezantasyon en konstitisyon avek Monsenyer Wiehe, par Catholic Youth Pastoral (CYP) dan ki striktir bann zenn pastoral in ganny ekrir.

En manm lo komite lorganizasyon ti dir ki zot in deside fer en tel rasanbleman anba tenm " Nou anvi vwar Zezi-Kri" anvi ki sa i koensid avek tenm Lazournen Mondyal Lazenes 2004. 

LINKS