La ou sans pour montre ou talan artistik e lanmour ki ou annan pour ou pei.

Komite selebrasyon lafet nasyonal in lans son konpetisyon sanson pour lannen 2004.

Kordinater sa komite, Emmanuel d'Offay i dir ki sa konpetisyon i annan pour bi sansibiliz popilasyon Seselwa lo son lenportans koman en pep e enspir bann valer patriotik. Sa konkour pou osi ede promot  lanmizik e mizisyen Seselwa.

Partisipan i kapab partisip an solo, duo ou an group e servi enn dan sa trwa langaz ofisyel (Angle, Franse, Kreol)

Tou partisipan i devret swiv sa bann kriter swivan:

- Fodre ki sanson i pa plis ki 4 minit

- I eksprim enn sa bann kalite (Labote nou pei, Fyer en seselwa, Moralite).

- Teks ek lanmizik i orizinal

- Tou sanson fodre ganny rikorde lo CD

Venker  konpetisyon  pou resevwar en gran pri 10,000 roupi e i pou osi ganny sans partisip dan "National Day Show " ek " Spektak Varyete 2004"

Msye d'Offay in fer resorti ki komite pou kouver tou lezot depans ki pou bezwen fer ek sanson gannyan.

In fer resorti ki i annan zis en pri anvi ki i ekspekte en partisipasyon o nivo kot sa enn pli meyer i a ganny swazir.

Sa ki enterese i kapab kolekte form lanrezistreman kot Konsey Nasyonal pour Lar.

Pou okenn klarifikasyon kontakte Emmanuel d'Offay lo nimero telefonn  321333, Fax: 224621; Mobil: 722811 ou e-mail: nacs@seychelles.net

Tou dokiman (CD, teks, form) i devret ariv kot Konsey Nasyonal pour Lar, pa plitar ki  Vandredi le 7 Me, 2004.

LINKS