Lapolis pe demann manm piblik pour fer atansyon bann dimoun ki apros zot pour fer kek tranzaksyon an fezan kwar ki zot bann biznesmenn.

Dan en kominike Zedi le 29 Zanvye, lapolis in fer remarke ki i annan en garson lapo kler ki dan son 25 a 30 an, ki dir i en biznesmenn e pe fer dimoun kwar ki i kapab fer zot ganny deviz etranzer ouswa siman. 

Swivan konplent ki'n ariv kot lapolis sa garson i menm annan dan son posesyon resi e lezot dokiman ki in servi pour donn son bann swadizan kliyan ler i angaz li dan son bann tranzaksyon. 

Dapre lapolis, sa garson pe target bann biznesmenn, e bann lezot endividi ki pe rod siman. 

Lapolis pe demann manm piblik pour pa antre dan okenn tranzaksyon larzan avek dimoun ki zot pa konn son "background".

LINKS