|
Dife in detri en
video rental Anse Aux Pins mardi le 2 desanm, granmaten.
Dapre portparol
lapolis Msye Jean Toussaint ti ver 2:50 bomaten ki zot ti ganny enformen
ki ti annan en dife dan batiman P&F Video Rental Anse Aux Pins.
I ti dir ki ler
brigad ti ariv lo "scene" sa batiman ti'n konpletman anflanmen.
Sa nef manm tenny
dife ki ti'n ganny deplwaye ti pran anviron 10 minit pour ariv dan sa
landrwa e pran senk minit pour met dife anba kontrol. Malerezman sa
letan domaz ti'n fini ganny fer.
Parmi bann keksoz
ki'n ganny detri dan sa dife i kaset video, vcd, dvd, computer, en set
lanmizik ek air condition.
Dapre propriyeter
sa video, Msye Percy Morel, domaz pour batiman selman i remont a en kou
200,000 roupi.
Antretan en lanket
in konmanse pour determin lakoz e sirkonstans sa dife. |