Komite egzekitif Festival Kreol pe ofer manm piblik sans pour partisip dan konpetisyon lafis pour 19enm edisyon sa gran manifestasyon kiltirel ki pou deroul depi le 23 ziska le 30 Oktob, 2004.

Partisipan i kapab soumet enn oubyen plizyer travay e zot osi annan swa pour fer zot lafis an kouler ouswa an nwar e blan me lo en papye ki pa pli pti ki en A3. 

En manm organizater, Madanm Genevieve Morel, in fer resorti ki apre ki zot ti'n ouver sa konpetisyon ek piblik de-z-an pase, zot in konstate ki sa i permet zot annan en pli gran varyete travay pour swazir ki ler zot konmisyonn en sel dimoun pour fer en lafis.

Madanm Morel ti osi azoute ki anvi sikse sa konpetisyon dan bann lannen presedan, ti menm annan travay ki tiín ganny soumet dan konpetisyon lannen pase ki zot ti a kontan servi.

"Se pour sa rezon ki nou pe relans sa konkour e ankouraz bann artis pour partisipe e eksprim sa tenm kreolite avek en ler kreatif dan zot lafis," Madanm Morel ti azoute.         

Bann kontribisyon fodre ariv kot Sekretaryat Festival Kreol, Bibliotek Nasyonal pa pli tar ki le 30 Mars 2004.

Pri pour lafis gannyan i 2,500 roupi.

LINKS